Wce wom cosik pedzieć

jakom to Roman Dzioboń dyntysta

mioł historyje w gabinecie.

Pacjentów we wsi mioł sporo

a roz trafiła siy baba barz cliwo 

okrutnie hrubo i seroko w biedrach.

Roman zakiela jom uwidzioł

mioł poty na cole

ale piyknie popytoł

coby se siedła na fotel.

Baba w biedrach seroko

totez musioł korbeckom zakryncić

coby fotel przyryktować

dla serokiej rzyci.

Kie już siedła, gymbe rozwarła

palcem pokozała zymba 

wtory jom okrutnie boloł

i bez wtorego niy spała.

Roman prógował śniom ukwalować

ze trza zrobić zostrzyk coby niy bolało

ale baba pedziała ze je straśnie  urażliwo

i po zostrzyku zaroz zamgle.

Roman nierod z dusom na ramieniu

kie uwidzioł zymba w duchu pomyślał

ze bez Boskiej pomocy

tego zymba niy wytargo.

Kie ino klescami chycił za zymba

baba zwrzescała okrutniye

sarpneła jego rynkom tak mocno

ze Roman znaloz siy od fotela

przy łoknie z klescami w rynce

a w nik siedzioł zymb jak wanta.

Oj baba była rada i pedziała

Bóg wom zapłać coście go wytargali

bo już mnie boleć niy będzie.

Casym wiycie baby wiedzom

kie trza sarpnoć chłopa

coby dobrze było – hej.